ඊයේ (10) පස්වරුවේ පාර්ලිමේන්තු සංකීර්ණය වෙත පැමිණි ඒ මහතා එම පැණිය පිරිනැමූ අතර කථානායකවරයා ඇතුළු මන්ත්රීවරු එම අවස්ථාවේදීම එය පානය කළහ.
මේ පැණිය අතිරේක ආහාරයක් ලෙස මහජනතාවට ලබා ගත හැකි බවට ආයුර්වේද දෙපාර්තමේන්තුවෙන් අනුමැතිය ලබාදී ඇතැයි දේශීය වෙදකම ප්රවර්ධන, ග්රාමීය හා ආයුර්වේද රෝහල් සංවර්ධන සහ ප්රජා සෞඛ්ය රාජ්ය ඇමැති සිසිර ජයකොඩි මහතා මාධ්යට ඊයේ (10) පවසා තිබුනි.
මේ පැණිය අතිරේක ආහාරයක් විදියට ලබා ගැනීමට හැකි අතර, ඉන් කිසිදු අතුරු ආබාධයක් ඇති නොවන බවට දේශීය වෛද්ය අමාත්යාංශයත්, ආයුර්වේද දෙපාර්තමේන්තුවත් නිල වශයෙන් අනුමැතිය ලබාදී ඇතැයිද ඇමැතිවරයා කියා සිටියේය.
ඉදිරි සති දෙකක් ගත වන තෙක් මේ පැණිය නිෂ්පාදනය සහ බෙදා හැරීම තාවකාලිකව නතර කර ඇති අතර සති දෙකකින් පසු මේ පැණිය මහජනතාවට ලබා ගත හැකි නව ක්රමවේදයක් සකස් කරන බවද ඇමැතිවරයා පැවසුවේය.
කොරෝනා වයිරසයට එරෙහිව ධම්මික බණ්ඩාර මහතා විසින් මී පැණි, සාදික්කා ඇතුළු ඖෂධ කිහිපයක එකතුවෙන් දේශීය ඖෂධයක් නිෂ්පාදනය කළ අතර ඒ පිළිබඳ පසුගිය දිනවල රටේම අවධානයට යොමු විය.
ඒ අනුව ඔහු විසින් එම පැණිය කෑගල්ල ප්රදේශයේ පිහිටි ඔහුගේ නිවෙසේදී නොමිලයේ බෙදා දීමට පියවර ගැනුණද පවතින තත්ත්වයන් සැලකිල්ලට ගනිමින් එය අත්හිටුවීමට තීරණය කෙරිණි.
No comments:
Post a Comment