👑 රජවරුන් ගම් වැසියන් හා පිරිවර සහභාගීත්වයෙන් ‘‘මහා අරියවංස‘‘ සූත්‍ර දේශණාව පැවැත්වූ අම්පාර ගොනාගොල්ල #පුංචි #සීගිරිය රජමහා විහාරය.

 

👑 රජවරුන් ගම් වැසියන් හා පිරිවර සහභාගීත්වයෙන් ‘‘මහා අරියවංස‘‘ සූත්‍ර දේශණාව පැවැත්වූ අම්පාර ගොනාගොල්ල #පුංචි #සීගිරිය රජමහා විහාරය.

තුන් ලෝකාග්‍රවූ භාග්‍යවත් වූ බුදුන් වහන්සේ හතළිස් දහසක් භික්‍ෂූ සංඝයා
වහන්සේ අර්හත් ඵලයෙහි පිහිටුවමින් කරන ලද දේශනාවකි මහා අරියවංස සූත්‍ර දේශනාව.

මෙසේ බෞද්ධ සාහිත්‍යයේ වටිනා සූත්‍රයක් පැවැත්වූ බව සනාතවන ස්ථානයක්
අම්පාර ගොනාගොල්ල පුංචි සීගිරිය රජමහා විහාරයේ සෙල්ලිපියක සදහන් වෙනවා.
මේ අසල සෙල්ලිපි කිහිපයක් තිබෙන අතර එක් සෙල්ලිපියක "කිසියම් පුද්ගලයකු
විසින් #අළිතක මහා විහාරයේ පැවති #අරියවංස #පූජාව සඳහා #කහවණු පූජා කළ බව" සඳහන් වෙනවා.
Video- 

පුරාණ සිංහලයන් ඉතා ගරු කරන මේ ආරියවංස සූත්‍ර දේශනාව පැවැත්වුණේ ඉතා උත්සවාකාරයෙන් බව අටුවා පිරික්සීමේදී පෙනී යනවා.

අද අම්පාර නුවර ප්‍රධාන මාර්ගයට නුදුරු මේ විහාරස්ථානය අවට එදා ඉතා සශ්‍රීක බිම් කඩක් වන්නට ඇතැයි මේ සෙල්ලිපිය හරහා සිතෙනවා. සමන්ගල, පියන්ගල, රජගල දහස් ගනනින් රහතන් වහන්සේලා වැඩහිටියදී අද කොත්මලේ ලෙස හදුන්වන මේ ප්‍රදේශය අවට ජනාකීර්ණ ප්‍රදේශයක් වන්නට ඇති. රහතන් වහන්සේලා වැඩම කොට මේ විහාරස්ථානයේ සූත්‍ර දේශනා පවත්වද්දී රජවරුන් ප්‍රභූන් මෙන්ම ගම්වැසියන්ද මේ සදහා සහභාගී වන්නට ඇති. බුද්ධ කාලයේ මෙන්ම අතීතයේ පටන් සිංහල ද්වීපයෙහි බොහෝම ජනප්‍රිය දේශනාවක් හැටියට ආරියවංස සූත්‍ර දේශනාව පැවති බව අට්ඨකතා ගත කරුණුවලින් පැහැදිලි වෙනව. ආරියවංස සූත්‍ර දේශණාව පසුදා පහන් වන තුරුම පවත්වා ඇති අතර එකල ඒවා ඇසීමට ජන සන්නිපාතයක් ගැලූ බවද අට්ඨකථා වල සදහන් වෙනවා.

ඒ කාලේ රාජකීය මැති ඇමති වරුන්ගේ සහයෝගයෙන් තමයි මේ දේශනා පවත්වල තියෙන්නෙ. මහා සඟරුවන මහ හඬින් ශබ්ද නගමින් මේ දේශනා පවත්වල තියෙනව. ඒ කාලේ අදට වඩා මනුෂ්‍යයෝ නිරෝගියි. බොහොම බුද්ධි වන්තයි. ස්වල්ප වශයෙන් දෙසන දේශනා තේරුම් ගන්ට පුළුවන් බොහෝ දියුණු ඥානයක් තිබිලා තියෙනවා. අද කාලේ මිනිසසුන්ට සූත්‍ර තේරෙනවා අඩුයි. ගැඔරු ධර්ම කරුණු වලට සවන් දෙන්නේ නෑ. එදා තත්වය බොහොම වෙනස් මේ දේශණා අවසානයේ බොහෝ පිරිස් මාර්ගඵල ලාභීන්
බවට පත්වූ බව අට්ඨකතා සාක්ෂි දරනවා.

අම්පාර ගොනාගොල්ල පුංචි සීගිරිය රජමහා විහාරය අද ප්‍රසිද්ධියට පත්ව ඇත්තේ එහි ඇති සීගිරි ලලනාවන්ට සමාන චිත්‍ර නිසාවෙනි.
Video 

මහාචාර්ය සෙනරත් පරණවිතාරණයන් මෙතනට පැමිනි සැනින් දුටු මේ සීගිරි ලලනාවන්ට සමාන බිතිසිතුවම් දැක ඉතා සතුටට පත්ව මේ ස්ථානයට පුංචි සීගිරිය රජමහා විහාරය නම් ලබා දී ඇත. අද මෙම ස්ථානය පුරා විද්‍යා රක්ෂිතයක් බවට පත්කොට ඇති අතර, මේ බිතු සිතුවම් ආරක්ෂා කල යුත්තේ ආරක්ෂාවට යෙදූ කොටස්වලින් බව පෙනී යන තරමට මේවා දිරාපත්ව ඇත. පැරණි චෛත්‍යෙයේ නටඹුන් දැකිය හැකි අතර, ඒ මත අලුතින් චෛත්‍යයක් ඉදි කොට ඇත. මෙහි ශ්‍රි ලංකාවේ මුල්යුගයේ දැකිය හැකි වූ සදකඩ පහන හා කොරවක්ගල දැකිය හැකිය. ‍මෙහි කටාරම් කෙටූ ලෙන් කිහිපයක් ඇත. පොහොය
විනය කර්මය කල ස්ථානයක් සහ බුදු මැදුරක් තිබූ ස්ථන දැක ගත හැකිය. මෙහි
කුඩා වැවක් තිබී ඇති අතර එය අද ගොහොරුවකි. අම්පාර නුවර ප්‍රධාන මාර්ගය එපිට පිහිටි පියංගල, රජගල, සමන්ගල විහාරස්ථාන අතර භූගත මාර්ග වලින් සම්බන්ධ වී ඇතැයි විශ්වාස කරයි. පුංචි සීගිරිය රජමහා විහාරයේද භූගත
මාර්ගයක් පිළිබද කථිකාවතක් ඇත. ප්‍රාග් ‍ඓතිහාසික මානවයන්ගේ චිත්‍රද මෙහි
දැකගත හැකිය.

LTTE බෙදුම්වාදී මතවාදයට හානියක් වූ නැගෙනහිර පුරාවස්තු විනාශකරලීම ත්‍රස්තවාදීන්ගේ සුලභ දෙයක් විය. එදා පුංචි සීගිරිය හා ඒ අවට සතුරාගේ ඉලක්කයක් වූ නිසා යුධ භීතියෙන් ඇලලුනු මේ ප්‍රදේශයේ ආරක්ෂාව තරකොට තිබුණු අතර ගොනාගොල්ල පුංචි සීගිරිය රජමහා විහාරය වි‍ශේෂ කාර්ය බලකා කදවුරක් බවට පත්කොට තිබුනි.
මේ සා ගැඹුරු දර්ශනයකින් පන ගැන්වුන සිංහල ජාතියේ අභිමානවත් බව මුවහත්
කරමින් ජතාවට ඒ ගැන අභිමානයක් ගොඩනැංවිය හැකි මේ ස්ථාන විනාශ වෙමින් පැවතීමත් එහි ජාතික වැදගත්කම ජාතියට හදුන්වා නොදීමත් ජාතියේ කණගාටුවකි. අප මෙහි සිතුවම ජායාරූපගත නොකොට අන්තර්ජාලයේ පිංතූරයක් යොදන ලදි. ඔබත් මෙම සිතුවම් රූගත කිරීමට ගොස් මේවාට හානි නොකරන්න. ඡායාරූපය මුල් හිමිකරුට බොහොම ස්තූතියි.
ගල්ඔය News

Galoya News
වැඩි විස්තර සදහා
0779408532
බඹරවානේ සද්ධාතිස්ස හිමි