කොරෝනා වසංගතය හේතුවෙන් ජනතාවගේ ආරක්ෂාව සඳහා අනුරාධපුර රාජාංගණය යාය 01-03-05 සහ 05 කණුව යන ප්රදේශවල සංචරණය සම්පූර්ණයෙන්ම සීමා කිරීමට මේ වන විට පියවර ගෙන ඇත.
මේ බව අනාවරණය වූයේ දැනට රාජාංගණය ප්රදේශය තුළ පවත්නා තත්ත්වය පාලනය කිරීම සඳ
හා ඉදිරියේදී ගත යුතු ක්රියාමාර්ගයන් පිළිබඳව උතුරු මැද පළාත් ආණ්ඩුකාර මහීපාල හේරත් මහතාගේ ප්රධානත්වයෙන් පළාත් සභා ශ්රවණාගාරයේ පැවති විශේෂ සාකච්ඡාවකදීය.
මේ සම්බන්ධව අදහස් දැක්වූ උතුරු මැද පළාත් සෞඛ්ය සේවා අධ්යක්ෂ වෛද්ය පාලිත බණ්ඩාර මහතා කියා සිටියේ රාජාංගණයේ ග්රාම නිලධාරි කොට්ඨාස එකොළහක් කෙරෙහි අවධානය යොමු කර ඇති බවත් එයින් හතරක් විශේෂයෙන් හඳුනා ගෙන ඇති බවත්ය. එසේම රාජාංගණය ප්රදේශයේ අවදානම් සහිත පුද්ගලයන් පන්සීයක් වෙනුවෙන් පී. සී. ආර්. පරීක්ෂණ සිදු කරමින් පවතින අතර පෙරේදා (13) පරීක්ෂණ හැටපහක් සිදු කර ඇත.
වසංගත රෝග විශේෂඥ තේජා සෝමතිලක මහතා සඳහන් කළේ මම පරීක්ෂණ කටයුතු කඩිනම් කළ යුතු බවත් රාජාංගණය 05 කණුව ප්රදේශයෙන් රෝගීන් දාහතර දෙනකු හඳුනාගෙන තිබෙන බවයි. මෙහිදී සෞඛ්ය අංශ මඟින් සඳහන් කර සිටියේ නොච්චියාගම කටුකැලියාව යන ප්රදේශවලින්ද රෝගීන් කිහිපදෙනකු පිළිබඳ වාර්තා වී ඇති බවය.
අනුරාධපුර මහ දිසාපති නීතිඥ ආර්. ඇම්. වන්නිනායක මහතා අදහස් දක්වමින් ආයතනික ආරක්ෂාව, සංචරණය අඩු කිරීම, නිසි සෞඛ්ය පිළිවෙත් අනුගමනය කිරීම වැනි ක්රියාමාර්ග කෙරෙහි සියලු දෙනා විශේෂයෙන් අවධානය යොමු කළ යුතු යැයි කීය. එසේම මෙසේ හමු වූ රෝගීන් හා සම්බන්ධකම් පැවැත්වූ පුද්ගලයන් සොයා බැලීමේ කටයුතු දිගටම කරගෙන යන බව පැවසීය. මේ අවස්ථාවේ විවිධ ප්රදේශවලට යෑමෙන් මඟහැරී ඇති පුද්ගලයන් ද සිටිය හැකි බවත් ඔවුන්ද සොයා සෞඛ්ය පිළිවෙත්වලට අනුකූලව පරීක්ෂණ ක්රියාවලට යොමු කිරීම වැදගත් බව අනාවරණය කළේය. රාජාංගණය ප්රදේශයේ සංචරණය සීමා කර ඇති අතර රාජ්ය හා අර්ධ රාජ්ය සේවා මෙන්ම අත්යවශ්ය සේවාවන් සැපයීමට අවශ්ය පසුබිම නිසි ක්රමවේද මත ගොඩනඟා ඇති බවද මහ දිසාපතිවරයා වැඩි දුරටත් අනාවරණය කළේය. මෙම අවස්ථාවට උතුරු මැද ප්රධාන ලේකම් ඇතුළු ආයතන ප්රධානින්ද ආරක්ෂක අංශයේ සියලු ක්ෂේත්ර නියෝජනය වන අයුරින් නිලධාරීහුද සහභාගි වූහ.
No comments:
Post a Comment