ඉන්දු – ලංකා ආර්ථික හා තාක්ෂණික සහයෝගීතා ගිවිසුම හෙවත් එට්කා (ETCA) ගිවිසුමට එළැඹීමේ හැකියාව පිළිබඳ සොයා බැලීමට රජය තීරණය කර ඇතැයි ‘අරුණ ‘ පුවත්පත වාර්තා කර තිබේ.මීට අදාළ කැබිනට් පත්රිකාව වෙළෙඳ ඇමැති බන්දුල ගුණවර්ධන කැබිනට් මණ්ඩලයට ඉදිරිපත් කර ඇති අතර පෙරේදා (08 වැනිදා) ඊට අනුමැතිය හිමි වී තිබේ.
පසුගිය යහපාලන ආණ්ඩුව සමයේ එට්කා ගිවිසුම අත්සන් කිරීම සඳහා යෝජනා ඉදිරිපත්ව තිබුණු නමුත් රජයේ වෛද්ය නිලධාරින්ගේ සංගමය සහ ඉංජිනේරු සම්මේලනය ඇතුළු නායකයන් නියෝජනය කරන පාර්ශ්ව සහ විපක්ෂයේ දේශපාලන පක්ෂවල විරෝධය හේතුවෙන් එම යෝජනාව 2018 ඔක්තෝබර් මාසයේදී හකුළා ගැනිණි. එසේ වෙතත් එට්කා ගිවිසුම බල ගැන්වීම සඳහා ඉන්දු – ලංකා දෙපාර්ශ්වය අතර සාකච්ඡා වට 12 ක් පවත්වා ඇත. මෙම ගිවිසුම ක්රියාත්මක වුවහොත් විදේශීය ශ්රමිකයන් අඩු වැටුප් යටතේ මෙරට වෙළෙඳපොළට පිවිසීම හරහා මෙරට ශ්රමිකයන්ගේ වැටුප් මට්ටම් බලපෑම් එල්ලවනු ඇතැයි චෝදනා එල්ල විය.
මෙම ගිවිසුම ක්රියාත්මක කිරීමේ සූදානම පිළිබඳ ඊයේ (09 වැනිදා) පැවැත් කැබිනට් තීරණ දැනුම්දීමේ මාධ්ය හමුවේදී විමසූ පැනයකට පිළිතුරු ලබා දෙමින් කැබිනට් සම මාධ්ය ප්රකාශක ඇමැති කෙහෙළිය රඹුක්වැල්ල සඳහන් කරන ලද්දේ ශ්රී ලංකාවට වාසිදායක අයුරින් ක්රියාත්මක කළ හැකි ඕනෑම ගිවිසුමක් අත්සන් කිරීම පිළිබඳ රජය සලකා බලනු ඇති බවයි. ‘එට්කා’ ගිවිසුමට අමතරව දැනට ක්රියාත්මක ඉන්දු – ලංකා නිදහස් වෙළෙඳ ගිවිසුම ;ASFTA), පාකිස්තාන – ශ්රී ලංකා නිදහස් වෙළෙඳ ගිවිසුම (PSFTA), ආසියා ශාන්තිකර වෙළෙඳ ගිවිසුම (APTA) නැවත සමාලෝචනය කිරීමට ද කැබිනට් අනුමැතිය හිමි වී ඇති බව පැවසේ.
No comments:
Post a Comment