අම්පාර නාම­ල්ඔය සහ ගෝන­ගල ගොවි ජන­තාව විසින් වගා කරනු ලැබූ කහ අස්වැන්න වෙළද පොලට

අම්පාර, නාම­ල්ඔය සහ ගෝන­ගල ගොවි ජන­තාව විසින් වගා කරනු ලැබූ කහ අස්වැන්න වෙලද පොලට

පසු­ගිය 2020 මහ­ක­ත­න්න­යේදී නාම­ල්ඔය ගොවි ජන­තාව විසින් වගා කරනු ලැබූ කහ අස්වැන්න නෙළා වෙළෙ­ඳ­පො­ළට ගෙන ඒම මේ දින­වල සිදුවේ. අමු කහ කිලෝව රුපි­යල් 380-400 මි

ල ගණන් දක්වා ඉහළ ගොස් ඇත. මේ වන විට නාම­ල්ඔය කහ ගොවීන් රු. මිලි­යන 19ක් උප­යා­ගෙන ඇත. පසු­ගිය කන්න­යේදී අම්පාර දිස්ත්‍රි­ක්කයේ කහ ගොවීන්ට බීජ මිලදී ගැනීම සඳහා අප­න­යන කෘෂි­කර්ම දෙපා­ර්ත­මේ­න්තුව විසින් එක්කෝටි විසි ලක්ෂ­යක මුද­ලක් ගෙවනු ලැබීය.

2021 මහ කන්නය සඳහා ද මෙම ආධාර ක්‍රමය ක්‍රියා­ත්මක කිරීම සඳහා අප­න­යන කෘෂි­කර්ම දෙපා­ර්ත­මේ­න්තුවේ අම්පාර සහ­කාර අධ්‍යක්ෂ කාර්යා­ලය පිය­වර ගනි­මින් සිටියි.

නාම­ල්ඔය සහ ගෝන­ගල ගොවි ජන­තාව විසින් වගා කරනු ලැබූ කහ අස්වැන්න මිලට ගැනීමේ දී මූලික වී ඇත්තේ අම්පාර ගෝන­ගල කෘෂි­කර්ම ඵල­දා­යිතා ගම්මාන සමූ­ප­කාර සමි­තිය විසිනි. මේ වන විට නාම­ල්ඔ­යදී කිලෝ 50000ක් සහ ගෝන­ග­ලදී කිලෝ 30000ක් මිලදී ගෙන ගබඩා කර ඇති අතර දැනට ගොවීන් විසින් නෙළනු ලබන කහ අස්වනු සම්පූ­ර්ණ­යෙන්ම මිලදී ගැනී­මට සූදා­නම්ව සිටින බව අම්පාර ගෝන­ගල කෘෂි­කර්ම ඵල­දා­යිතා ගම්මාන සමූ­ප­කාර සමි­තියේ සභා­පති දයා­රත්න බණ්ඩාර මහතා පැව­සීය. කෘෂි­කර්ම අමා­ත්‍යං­ශය සහ කුඩා පරි­මාණ කෘෂි ව්‍යාපාර වැඩ­ස­ට­හන (SAPP) මඟින් මේ සඳහා සම්පූර්ණ සහ­යෝ­ගය දෙන බවද සභා­ප­ති­ව­රයා පව­සයි.

මේ වන විට අසා­මාන්‍ය මිල ඉහළ යෑමක් සිදුවී ඇති හෙයින් අමු කහ කිලෝව රු. 380.00 - 400.00 දක්වා මිල­කට සමි­තිය විසින් මිලදී ගෙන ගබඩා කර තිබෙන අතර කහ කුඩු නිෂ්පා­ද­න­යට සඳහා වගා සඳහා ගෙවීන්ට බීජ වශ­යෙන් ලබා දීමට මෙසේ මිලදී ගත් කහ තොග යොදා ගන්නා බව සභා­ප­ති­ව­රයා පැව­සීය.

කහ වගා කරන ගොවි ජන­තාව සමඟ නොයෙ­කුත් ව්‍යාපාර ආය­තන සම්බන්ධ වී සිටින නිසා අමු කහ කිලෝව අස්වා­භා­වික මිල ඉහළ යෑමක් සිදු වී තිබෙන බවද කෙසේ වෙතත් රටට අවශ්‍ය කහ කුඩු නිෂ්පා­ද­නය කිරී­මට සමූප, සතොස, සහ පෞද්ග­ලික වෙළෙඳ ආය­තන හරහා අලෙවි කිරී­මට සූදා­නම්ව කට­යුතු කරන බවද බණ්ඩාර මහතා පැව­සීය.

අප­න­යන කෘෂි­කර්ම දෙපා­ර්ත­මේ­න්තුවේ අම්පාර සහ­කාර අධ්‍යක්ෂ රංජිත් පිට­වල මහතා : කහ වගාව වැඩි දියුණු කිරීම සඳහා කහ ගොවීන්ට 2020 මහ­ක­න්න­යේදී බීජ මිලදී ගැනී­මට රුපි­යල් එක්කෝටි විසි ලක්ෂ­යක මුද­ලක් ගොවීන්ට ගෙවනු ලැබුවා. දැනට වගා­වට සූදා­නම්ව සිටින ගොවීන්ට බීජ මිලදී ගැනීම සඳහා ඔවුන්ව දිරි­මත් කිරීමේ අද­හ­සින් මේ වන විට සූදා­නම් කර ගෙන යනවා.

අම්පාර ගෝන­ගල කෘෂි­කර්ම ඵල­දා­යිතා ගම්මාන සමූ­ප­කාර සමි­තිය, අප­න­යන කෘෂි­කර්ම දෙපා­ර්ත­මේ­න්තුව සහ වාරි­මාර්ග දෙපා­ර්ත­මේ­න්තුව මැදි­හත් වීමෙන් ඉදිරි යල කන්න­යේදී නාම­ල්ඔය සහ ගෝන­ගල අක්කර 2000ක පමණ කහ වගාව ව්‍යාප්ත කිරී­මට ගොවීන් සූදා­නම්ව සිටිති.

කහ වගා කිරී­මට අවශ්‍ය බීජ­වල මිල ඉහළ යෑම මෙන්ම වගාව සඳහා යෙද­වු­මක් වශ­යෙන් පාවිච්චි කරන පිදුරු ට්‍රැක්ට­ර­යක් රු. 12000 සිට 15000 දක්වා ගොවීන් විසින් මිල ඉහළ දමා ඇති අතර, ගොම පොහොර ට්‍රැක්ට­ර­යක් රු. 5000ක් දක්වා මිල ඉහළ ගොස් ඇතැයි කහ වගා­වට සූදා­නම්ව ඇති ගොවීහු පව­සති.

අප­න­යන කෘෂි­කර්ම දෙපා­ර්ත­මේ­න්තුවේ අම්පාර සහ­කාර අධ්‍යක්ෂ රංජිත් පිට­වල මහ­තා­ගෙන් මේ සම්බ­න්ධව කළ විම­සී­ම­කදී ඒ මහතා පැව­සූවේ මෙවැනි අද­හ­සකි. කහ වගා­වට යොදා ගන්නා ඉඩමේ තෙත­ම­නය රඳවා ගැනී­මට සහ එම පිදුරු දිරා ගිය විට පොහොර වීමට අවශ්‍ය නිසා මෙම වගා­වට පිදුරු යොදා­ග­න්නවා. පිදුරු නැත්තම් ගිනි­සී­රියා, වියළි බඩ ඉරිඟු ගස්, ඉලුක්, මානා (මල් පිපෙ­න්නට පෙර) පිළිස්සූ දහ­යියා, කහ වගාවේ වැස්මක් වශ­යෙන් පාවිච්චි කළ හැකි­යැයි පැව­සීය.